.

'جی 20' اجلاس سے قبل سعودی ولی عہد جنوبی کوریا کےدورے پرروانہ

پہلی اشاعت: آخری اپ ڈیٹ:

سعودی عرب کے ولی عہد شہزادہ محمد بن سلمان 'جی 20' اجلاس میں شرکت سے قبل کل منگل کو جنوبی کوریا کے صدر مون جے ان کی دعوت پرسیول روانہ ہوگئے ہیں۔

العربیہ ڈاٹ‌ نیٹ کے مطابق ولی عہد شہزادہ محمد بن سلمان جنوبی کوریا کے صدر مون جےان سمیت دیگر اعلیٰ حکام سے باہمی دلچسپی کے امور پربات چیت کریں گے۔ جنوبی کوریا کے دورے کے بعد سعودی ولی عہد ایک اعلیٰ اختیاراتی وفد کے ہمراہ جاپان کے شہر اوساکا میں جون کے آخر میں ہونے والے'جی 20' اجلاس میں شرکت کریں گے۔

سعودی عرب کے شاہی دیوان کی طرف سے جاری کردہ ایک بیان میں کہا گیا ہےکہ خادم الحرمین الشریفین شاہ سلمان بن عبدالعزیز کی ہدایت پر دوست ممالک کے ساتھ تعلقات کے فروغ اور جنوبی کوریا کے صدر کی طرف سے دعوت قبول کرتے ہوئے ولی عہد شہزادہ محمد بن سلمان بن عبدالعزیز کوجنوبی کوریا کے دورے پرروانہ کیا ہے۔

بیان میں کہا گیا ہے کہ ولی عہد جنوبی کوریا کے صدر مون جے ان اور دیگر اعلیٰ قیادت سے ملاقاتوں میں دو طرفہ تعاون کے فروغ سمیت دیگر اہم مسائل پربات چیت کریں گے۔ اس کے بعد ولی عہد جاپان میں منعقد ہونے والے'جی 20' اجلاس میں شرکت کےلیے اوساکا روانہ ہوجائیں گے۔