بیروت میں کشیدگی، لبنان میں شہریوں کو محتاط رہنے کی ہدایت

جمعہ کے روز بیروت میں سعودی سفارت خانے نے سعودی شہریوں کو خبردار کیا ہے کہ وہ مظاہروں کے مقامات سے خود کو دور رکھیں۔

العربیہ ڈاٹ نیٹ کے مطابق بیروت میں سعودی سفارت خانے نے اپنے آفیشل ٹویٹر اکاؤنٹ کے ذریعے الرٹ جاری کیا ہے جس میں لبنان کی موجودہ سیکیورٹی صورتحال کو دیکھتے ہوئے سعودی شہریوں کی حفاظت کے پیش نظر سعودی شہریوں کو احتیاط برتنے کی تاکید کی گئی ہے۔ شہریوں کو سفارت خانے سے رابطے کے لیے ہنگامی رابطہ نمبر فراہم کیےگئے ہیں۔

خیال رہے کہ جمعرات کے روز لبنانی حکومت کی طرف سے ٹیکسوں نفاذ کے نفاذ کا اعلان کیا تھا جس کے خلاف عوام کی بھاری اکثریت پرتشدد مظاہروں کے دوران سڑکوں پرنکل آئی تھی