.

سعودی عرب میں کرونا کے 10 ہزار مریض شفایاب

پہلی اشاعت: آخری اپ ڈیٹ:

سعودی عرب کی وزارت صحت کی طرف سے جاری ایک بیان میں بتایا گیا ہے کہ مملکت میں کرونا کا شکار ہونے والے 10 ہزار مریض صحت یاب ہو چکے ہیں۔

العربیہ ڈاٹ نیٹ کے مطابق وزارت صحت کے مطابق گذشتہ چوبیس گھنٹوں کے دوران کرونا کے مزید 1704 کیسز سامنے آئےہیں۔

کرونا کے نئے کیز میں 18 فی صد خواتین اور 82 فی صد مرد ہیں۔ اس کے علاوہ90 فی صد بچے اور 4 فی صد 65 سال سے زاید عمر کے افراد شامل ہیں۔ تازہ متاثرین میں 30 فی صد سعودی باشندے اور 70 فی صد غیرملکی شہری شامل ہیں۔

وزارت صحت کے مطابق سعودی عرب میں اب تک مجموعی طورپر کرونا کے 37 ہزار 136 مریض سامنے آئےہیں۔ ان میں سے 26 ہزار 753 کی زندگی خطرے سے باہر ہے۔140 مریضوں کو انتہائی نگہداشت وارڈ میں رکھا گیا ہے۔

گذشتہ چوبیس گھنٹوں کے دوران مزید ایک ہزار 24 مریض صحت یاب ہوئے جس کے بعد صحت یاب ہونے والے کل مریضوں کی تعداد 10 ہزار 144 ہوگئی ہے۔

گذشتہ روز مزید 10 مریضوں کی ہلاکت کےبعد کل ہلاکتیں 239 ہوگئی ہیں۔

مقبول خبریں اہم خبریں