سعودی عرب میں سنہ 2021ء کے آغاز میں سیاحتی ویزوں کے اجرا کا فیصلہ

سعودی عرب کے وزیر سیاحت احمد الخطیب نے کہا ہے کہ مملکت میں سیاحتی سرگرمیوں کی جلد بحال کیا جائے گا۔ خبر رساں ادارے'رائیٹز' سے بات کرتےہوئے انہوں نے کہا کہ سال 2021ء کے اوائل میں سیاحتی ویزوں کا اجرا شروع ہوجائے گا۔
ان کاکہنا تھا کہ کرونا وائرس کے خطرات کے پیش نظر حکومت نے عارضی طورپر سیاحتی ویزوں کے اجرا پرپابندی عاید کی گئی تھی تاہم یہ عارضی پابندی جلد ہی اٹھا لی جائے گی۔
ان کا کہنا تھا کہ سیاحت ولی عہد شہزادہ محمد بن سلمان کی تزویراتی اصلاحات میں بنیادی اہمیت کا حامل شعبہ ہے اور وہ تیل کے متبادل کےذرائع کے طور پر سیاحت کو فروغ دینا چاہتے ہیں۔
انہوں‌نے کہا کہ سعودی عرب نے ستمبر 2019ء کو 49 ممالک کےلیے سیاحتی ویزوں کا آغاز کیا تھا۔ مملکت میں سیاحتی سرگرمیوں کے نتیجے میں 2030ء تک جی ڈی پی کا 10 فی صد سیاحت سے حاصل ہونے کا ہدف مقرر کیا گیاہے۔