سعودی عرب کےقدرتی اور دلکش مناظر کے شوقین ایک فوٹو گرافر نے مملکت کے علاقے عسیر میں تنوما گورنری کے المحفار پہاڑوں سے ابھرتے پورے چاند کی تصاویر کو اپنے کیمرے کی آنکھ میں محفوظ کرکے سوشل میڈیا پر پوسٹ کیا تو ان کی دھوم مچ گئی۔
العربیہ ڈاٹ نیٹ کے مطابق المحفار کی پہاڑی چوٹیوں سے بدر کے طلوع ہونے کے مناظر کو مختلف زایوں میں دکھایا گیا ہے۔ ایسے لگ رہاہے کہ چندہ ماموں پہاڑیوں پہاڑی چوٹیوں سے معانقہ کرکے خلاف کی طرف بڑھ رہے ہیں۔
العربیہ ڈاٹ نیٹ سے بات کرتے ہوئے فوٹور گرافر سعد آل مداوی نے بتایا کہ پورے چاند کی تصاویر کے حصول کے لیے اس نے انتظار کیا۔ اس دوران اس نے چاند کی بہتر اور زیادہ دلکش تصویر کے لیے اس کے طلوع ہونے کے مقامات کا بھی جائزہ لیا۔ جب گھر کےزیادہ قریب اور پہاڑی چوٹیوں کی برابر بلندی پرآیا تو اس نے چاند کی تصاویر کے حصول کے لیے اپنا کیمرہ فٹ کیا۔
ایک سوال کے جواب میں اس نے کہا کہ میںنے دن کے وقت ہی اپنا کیمرہ نصب کردیا تھا۔ جب میں نے پورے چاند کی تصاویر حاصل کیں تو انہیں سوشل میڈٰیا پر پوسٹ کردیا۔ دیکھتے ہی دیکھتے وہ تصاویر جنگل کی آگ کی طرح پھیل گئیں اور مناظر فطرت کےدلدادہ افراد نے اس کی اس کاوش کی دل کھول کر داد دی۔
ایک دوسرے سوال کے جواب میں سعد آل مداوی نے کہا کہ المحفار پہاڑی چوٹیاں اپنی قدرتی خوبصورتی اور سیاحت کے لیے مشہور ہیں۔ یہاں پر سیاحوں اور قدرتی مناظر پرتحقیق کے لیے کام کرنے والے اہل علم اور ماہرین آتے رہتے ہیں۔ یہاں کا موسم بھی سہانا ہوتا ہے۔ خاص طورپر موسم گرما میں یہاًں سیاح پکنک منانے اور چھٹیاں گذارنے آتے ہیں۔
