سعودی عرب: القصیم میں آبادی میں داخل ہونے والے مگرمچھ کو پکڑ لیا گیا

سعودی عرب کی وزارت ماحولیات نے القصیم گورنری کے شہر البریدہ کے مشرق میں الھدیہ کے مقام پر آبادی میں داخل ہونے والے ایک مگرمچھ کو پکڑ کر اسے الریاض میں قائم قومی مرکز برائے تحفظ جنگلی حیات کے سپرد کردیا۔

مقامی ذرائع ابلاغ اور سوشل میڈیا پر ایک ویڈیو بھی وائرل ہوئی ہے جس میں‌ مگر مچھ کو آزادانہ گھومتے دیکھا جاسکتا ہے۔ مگر مچھ کی اطلاع ملتے ہی محکمہ ماحولیات کے حکام نے مگرمچھ کا تعاقب کرتے ہوئے شہریوں کی مدد سے اسے پکڑ لیا جس کے بعد اسے الریاض میں قائم مرکز برائے تحفظ جنگلی حیات کے سپرد کردیا گیا ہے۔

خیال رہے کہ سعودی عرب میں وزارت ماحولیات کی طرف سےوحشی جانوروں کے گھروں میں پالنے پر سخت پابندی ہے۔ قانون کی خلاف ورزی کرتے ہوئے وحشی جانوروں کوگھروں میں رکھنے پر 10 سال قید اور 30 ملین ریال تک جرمانے کی سزا ہے۔