.

بریدہ کھجور میلے میں 45 سے زیادہ اقسام دستیاب

پہلی اشاعت: آخری اپ ڈیٹ:

سعودی عرب کے شہر بریدہ میں کھجوروں کے میلے کی سرگرمیاں جاری ہیں۔ میلے میں کھجور کی فروخت کا کام کرنے والوں کی طرف سے 45 سےزیادہ اقسام دستیاب ہیں۔

میلے میں کھجور سے تیار کردہ مصنوعات بھی پیش کی گئی ہیں۔ ان میں کھجور کا خالص رس، چاکلیٹ سے ڈھکی کھجوریں، سرکہ، کھجور کا آٹا اور کھجور کا مربّہ وغیرہ شامل ہیں۔

میلے کے ایگزیکٹو ڈائریکٹر ڈاکٹر منصور المشیطی کے مطابق اس میلے نے کھجوروں اور ان کی صنعتی مصنوعات سے استفادے میں بڑے پیمانے پر حصہ لیا ہے۔ المشیطی نے واضح کیا کہ اس میلے کا مقصد کھجوروں کے سیکٹر میں سرمایہ کاری اور کھجور کی بازار کاری کے مواقع بڑھانا ہے۔