سعودی عرب : آپریشن کے ذریعے علاحدہ کیے گئے دو یمنی بچوں میں سے ایک فوت

سعودی عرب میں سرجنوں کی ٹیم کے اعلان کے مطابق یمنی سر جُڑے بچوں میں سے ایک بچہ علاحدہ کیے جانے کے آپریشن کے اگلے روز چل بسا۔ اگرچہ دونوں بچوں کو مکمل طبی نگہداشت اور دیکھ بھال فراہم کی گئی تاہم اس کے باوجود ایک بچہ خون کی گردش میں انتہائی کمی ہونے اور دل رک جانے کے نتیجے میں فوت ہو گیا۔

معلوم رہے کہ سعودی سرجنوں کی ٹیم کو دونوں جڑواں بچوں کو علاحدہ کرنے کے آپریشن کے دوران میں بڑی مشکلات اور چیلنجوں کا سامنا کرنا پڑا۔ اس کے سبب آپریشن کے بعد ایک بچے کی حالت تشویش ناک ہو گئی۔

آپریشن کرنے والی ٹیم کے مطابق دوسرے بچے کی حالت مستحکم ہے۔ وہ ابھی تک ریاض میں کنگ عبدالعزیز میڈیکل سٹی میں واقع کنگ عبداللہ چلڈرن اسپیشلسٹ ہسپتال کے انتہائی نگہداشت کے شعبے میں زیر نگرانی ہے۔