جدہ سے قاہرہ جانے والی پرواز میں دوران سفر بچے کی پیدائش

اتوار کو جدہ سے قاہرہ جانے والی فلائی ناس فلائٹ نمبر XY565 میں بچے کی پیدائش ہوئی۔

پرواز کے قاہرہ پہنچنے سے پہلے مصری شہریت رکھنے والی 26 سالہ والدہ دردِ زہ میں مبتلا ہوئیں۔

فلائٹ کے عملے نے فلائٹ میں موجود ڈاکٹر کو بلانے کی درخواست کے ساتھ ابتدائی طبی امداد کی۔ بچے کی پیدائش قدرتی طور پر ہوئی اور ماں اور اس کے بچے کی حالت بہتر اور مستحکم تھی۔

قاہرہ کے بین الاقوامی ہوائی اڈے پر پہنچنے پر ایمبولینس ٹیموں نے ماں اور اس کے بچے کی حالت کا جائزہ لیا اور انہیں ان کی صحت کی جانچ کے لیے اسپتال لے جایا گیا۔

خیال رہے کہ دوران پرواز بچے کی پیدائش کا یہ پہلا واقعہ نہیں بلکہ ماضی میں بھی بعض ایسے واقعات پیش آچکے ہیں۔