صدر شی کا پرتپاک استقبال، سعودی طیاروں نے فضا میں چینی پرچم کی تصویر بنا ڈالی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

طیاروں کی پرواز کے ایک شاندار منظر کے ویڈیو کلپ میں دیکھا جا سکتا ہے کہ سعودی فضائیہ کے لڑاکا طیاروں اور سعودی فالکنز ٹیم کے طیاروں نے کیسے فضاؤں میں چینی صدر کی سکیورٹی کا مرحلہ انجام دیا اور ان کا پرتپاک استقبال کرتے ہوئے فضا میں ہی چین کے پرچم کی پینٹگ بنا ڈالی۔

چینی صدر کا طیارہ جیسے ہی سعودی فضائی حدود میں داخل ہوا سعودی طیاروں نے اس کا گھیرا کرلیا ۔ اس دوران سعودی طیاروں نے ایئر شو کا بھی اہتمام کیا، سعودی طیارے کنگ خالد انٹرنیشنل ایئرپورٹ تک چینی صدر کے طیارے ساتھ رہے۔

ایک نئے زاویے سے ایک ویڈیو کلپ میں چینی صدر کے طیارے کے ریاض کے کنگ خالد انٹرنیشنل ایئرپورٹ پر اترنے سے پہلے اس کے ساتھ ہونے والے ایئر شو کو فلمایا گیا ہے۔

ویڈیو میں چینی صدر کے طیارے کے ساتھ دائیں اور بائیں جانب سے دو سعودی طیارے دکھائے گئے۔ یہ طیارے دونوں ممالک کے درمیان تعلقات کی گہرائی کا جشن منانے کے لیے ایک ایئر شو کا اہتمام کر رہے ہیں۔

ریاض میں بیجنگ کے سفیر "لی چینگ وین" نے استقبال کو بھرپور اور باوقار قرار دیا۔ چینی صدر کا سعودی عرب سے شاندار استقبال ہوا، جس کا آغاز ان کے طیارے کے کنگ خالد انٹرنیشنل ایئرپورٹ پر اترنے کے بعد ماحول سے ہوا جہاں پر ریاض ریجن کے گورنر شہزادہ فیصل بن بندر اور وزیر خارجہ تھے شہزادہ فیصل بن فرحان استقبال میں سے سے آگے تھے۔

ایک پرتپاک استقبال

سعودی عرب میں چین کے سفیر اور اسلامی تعاون تنظیم میں اس کے نمائندے چن ویپنگ نے اپنے ٹویٹر اکاؤنٹ پر چینی صدر کے استقبال کو بڑے گرمجوش الفاظ سے بیان کیا اور کہا دوستانہ ملک سعودی عرب نے عزت مآب چینی صدر شی جن پنگ کا بھرپور اور باوقار استقبال کیا۔

ویپنگ نے مزید کہا استقبال فضا میں شروع ہوا تو سعودی پائلٹوں نے مملکت کے آسمان پر چینی پرچم کی شکل میں ایک پینٹنگ بناڈالی۔

چینی سفیر نے مملکت کی جانب سے صدر شی جن پنگ کی مہمان نوازی پر شکریہ بھی ادا کیا اور چینی پرچم کی سعودی پائلٹوں کی بنائی ہوئی پینٹنگ کا ویڈیو کلپ بھی شیئر کیا۔

قابل ذکر ہے کہ شی جن پنگ سعودی عرب کے سرکاری دورے پر ہیں۔ اس دوران وہ شاہ سلمان اور ولی عہد شہزادہ محمد بن سلمان سے ملاقات کریں گے اور ان دونوں کے ساتھ ہی سعودی چینی سربراہی اجلاس میں بھی شریک ہوں گے۔

مقبول خبریں اہم خبریں

مقبول خبریں