فٹ بالر میسی کا فیملی کے ہمراہ سعودی عرب کے تاریخی شہر درعیہ کی الطریف کالونی کا دورہ

سنہ 2022 ورلڈ کپ جیتنے والی ارجنٹائن کی قومی ٹیم کے کپتان لیونل میسی نے سعودی عرب کے مختلف شہروں کا دورہ کیا ہے۔

منگل کے روز میسی اپنے اہل خانہ کے ہمراہ تاریخی شہر درعیہ میں نمودار ہوئے اور مشہور الطریف محلے میں یادگاری فوٹو گرافی کی۔

سعودی عرب کے وزیر سیاحت احمد الخطیب نےمائیکرو بلاگنگ ویب سائٹ "ٹویٹر" پرعالمی کھلاڑی کو تاریخ اور روایت کی سرزمین درعیہ میں خوش آمدید کہا۔

سعودی عرب نے گذشتہ سال میسی کو اپنا سیاحتی سفیر مقرر کیا تھا اور اس نے مئی 2022 میں جدہ کا دورہ کیا، پھر سینٹ جرمین اور النصر اور الہلال ستاروں کے ایک گروپ کے درمیان دوستانہ میچ کھیلنے کے لیے دوبارہ مملکت میں آئے۔