سعودی عرب کا پی آئی ایف ہیتھرو ایئرپورٹ ہولڈنگ کمپنی میں 10 فیصد حصص خریدے گا

سعودی عرب کے پبلک انویسٹمنٹ فنڈ (پی آئی ایف) نے بدھ کو اعلان کیا کہ اس نے فیروویئل ایس اے سے برطانیہ میں قائم ہیتھرو ایئرپورٹ ہولڈنگز لمیٹڈ کی ہولڈنگ کمپنی میں 10 فیصد حصص کی خریداری کا معاہدہ کیا ہے۔

پی آئی ایف معاہدے کی شرائط کے تحت ایف جی پی ٹاپ کو کا 10 فیصد حاصل کرے گا جبکہ یورپ کے سب سے بڑے نجی ایکویٹی گروپوں میں سے ایک - آرڈین - 15 فیصد خریدے گا۔

یہ لین دین ریگولیٹری منظوری اور ان حقوق کی تعمیل سے مشروط ہے جو ٹاپ کو کے دیگر حصص مالکان استعمال کر سکتے ہیں۔

سعودی پریس ایجنسی (ایس پی اے) کی طرف سے جاری کردہ ایک بیان میں کہا گیا، "ایک عالمی معیار کے ہوائی اڈے ہیتھرو میں سرمایہ کاری پی آئی ایف کے لیے باعثِ مسرت ہے جو دنیا کے لیے ایک اہم باب کے طور پر کام کرتا ہے۔ ہیتھرو میں پی آئی ایف کی سرمایہ کاری ایک طویل مدتی شراکت دار کے طور پر کاروبار میں تعاون کرنے کی حکمت عملی کے مطابق ہے۔"

بیان میں مزید کہا گیا، "ہیتھرو دنیا کے سب سے بڑے ہوائی ٹریفک پلیٹ فارمز میں سے ایک ہے جو برطانیہ کو عالمی تجارتی شراکت داروں کے ساتھ ملاتا ہے تاکہ معاشی نمو کی ترغیب و تحریک میں مدد مل سکے۔"

پی آئی ایف دنیا کے سب سے بڑے خودمختار دولت فنڈز میں سے ایک ہے جو مقامی اور عالمی سرمایہ کاری پر مرکوز ہے۔