غزہ: ' ٹیلی کمیونیکیشن' کی سہولیات بتدریج بحال کر دیں گے، ٹیلی کام کمپنیوں کا اعلان

غزہ کے وسطی اور جنوبی حصوں میں پچھلے کئی روز سے منقطع کر دی گئی مواصلاتی سہولیات بحال کرنے کی کوشش جاری ہیں۔ یہ بات غزہ میں ٹیلی کام کی خدمات دینے والی کمپنیوں 'پال ٹیل' اور 'جوال' نے اتوار کے روز مشترکہ طور پر کہی ہے۔

'پال ٹیل' اور 'جوال' نے اپنے بیان میں بتایا ہے 'ہماری دونوں کمپنیوں کی فیلڈ ٹیمیں مواصلاتی خرابی کی اصلاح کے لیے کام میں مصروف ہیں۔ اس سلسلے میں ہمارا متعلقہ بین الاقوامی اداروں کے ساتھ رابطہ چل رہا ہے۔ '

واضح رہے غزہ میں ٹیلی فونز اور انٹرنیٹ کی تمام تر سہولیات 14 دسمبر 2023 سے مکمل منقطع ہیں۔