اسرائیلی فوج کا وادی غزہ کے فلسطینیوں کو دیر البلح کی طرف نقل مکانی کا حکم

اسرائیل کی جانب سے غزہ کی پٹی کے تمام علاقوں خاص طور پر شمال میں جبالیہ پر بمباری میں شدت کے بعد اسرائیلی فوج وادی غزہ کے جنوب میں رہنے والوں کو وہاں سے نقل مکانی کرنے اور فوری طور پر دیر البلح کی طرف جانے کا حکم دیا ہے۔

اسرائیلی فوج کے ترجمان اویچائی ادرعی نے ان علاقوں کی تصاویر شائع کیں جنہیں خالی کرنے کا الٹی میٹم دیا گیا ہے۔

انہوں نے کہا کہ غزہ کی پٹی کے جنوب میں واقع مغربی پڑوس رفح میں فوجی سرگرمیاں عارضی طور پر روک دی جائیں گی۔

خان یونس میں آپریشن جاری

انہوں نے خبردار کیا کہ جنوب میں خان یونس کے علاقے میں لڑائی کی وجہ سے شمال اور مشرق کے حصوں میں صلاح الدین محور کی طرف جانے کی اجازت نہیں دی گئی۔

انہوں نے نشاندہی کی کہ خان یونس کے مغرب میں ایک بائی پاس روڈ کھولا جائے گا تاکہ رفح اور خان یونس کے علاقوں سے دیر البلح میں الرشید اور الشہداء شاہراؤں کی طرف جانے کی اجازت دی جا سکے۔

یہ نئی ہدایات اسرائیلی افواج کی وادی غزہ کے ان علاقوں پر زور دار بمباری اور پر تشدد حملوں کے عزم کی نشاندہی کرتی ہیں۔

یہ نئی ہدایات اس وقت سامنے آئی ہیں جب محاصرہ زدہ پٹی میں بڑے پیمانے پر تباہی کے باوجود اسرائیلی حملے جاری ہیں۔ سات اکتوبر سے جاری جنگ کو آج 77 روز ہوچکے ہیں جس میں اب تک 20,57 فلسطینی شہید ہوچکے ہیں جن میں 8,000 سے زائد بچے بھی شامل ہیں۔