کویت: ساحل سمندر میں گاڑی خوفناک حادثے کا شکار، نوجوان معجزانہ طور پر محفوظ

کویت میں ساحل سمندر کے قریب پیش آنےوالے ایک حادثے میں گاڑی قلہ بازیاں کھاتی سمندر میں جا گری اور اس میں سوار نوجوان معجزانہ طور پرمحفوظ رہا۔

اس حادثے کی ایک ویڈیو سوشل میڈیا پر تیزی کےساتھ وائرل ہو رہی ہے جس میں اس لمحے کو دکھایا گیا ہے جب کویت کے ابو الحصانی بیچ پر ایک کار اس وقت الٹ گئی جب اس کا ڈرائیور لہروں کے قریب جا رہا تھا۔

ویڈیو کلپ میں دکھایا گیا ہے کہ نوجوان نے ساحل سمندر پر گاڑی چلانے کی کوشش کے دوران اپنی گاڑی کا کنٹرول کھو دیا، جو کئی بارالٹ گئی اور وہ اس سے گر کر سمندر میں گر گیا۔

ڈرائیور معجزانہ طور پر بچ گیا اور سمندر سے نکلنے کے بعد وہ ساحل پر اپنے دوستوں کی طرف چل پڑا۔

اس ویڈیو پر سوشل میڈیا صارفین کی طرف سے ملا جلا رد عمل سامنے آیا ہے۔صارفین نے اسے ڈرائیور کی لاپرواہی قرار دیا ہے۔