سعودی ولی عہد کی ایران کے عبوری صدر سے ٹیلیفون پر ابراہیم رئیسی کی وفات پر تعزیت

سعودی عرب کے ولی عہد اور وزیراعظم شہزادہ محمد بن سلمان نے اسلامی جمہوریہ ایران کی ایگزیکٹو اتھارٹی کے قائم مقام سربراہ محمد مخبر سے ٹیلی فونک پر بات چیت کی۔

انہوں نے حال ہی میں ہیلی کاپٹر حادثے میں صدر ابراہیم رئیسی، وزیر خارجہ امیر عبداللہیان اور دیگر عہدیداروں کی وفات پر افسوس کا اظہار کیا۔

ولی عہد اور ایران کے عبوری صدر نے دونوں ممالک کے درمیان دوطرفہ تعلقات میں حاصل ہونے والی پیش رفت کو آگے بڑھانے اور مختلف شعبوں میں تعاون کو بڑھانے کی اہمیت پراتفاق کیا۔

فون پر بات چیت میں ولی عہد نے اسلامی جمہوریہ ایران کے صدر ڈاکٹر ابراہیم رئیسی اور ایرانی وزیر خارجہ حسین امیر عبداللہیان اور ان کے ساتھیوں کے انتقال پر تعزیت کا اظہار بھی کیا۔

دریں اثنا، سعودی خبر رساں ایجنسی (ایس پی اے) کے مطابق ایگزیکٹو اتھارٹی کے قائم مقام سربراہ نے ولی عہد شہزادہ کے اچھے جذبات کے لیے ان کا شکریہ ادا کیا۔