سعودی امدادی ایجنسی کے ایس ریلیف نے یمن کی وزارتِ سماجی امور و محنت کے ساتھ مل کر ملک کے ساحلی علاقے حضرموت میں یتیم بچوں کی نگرانی کرنے والے افراد کے لیے تربیتی پروگرام شروع کیا ہے۔
سعودی پریس ایجنسی نے کہا کہ یہ اقدام ایجنسی کی طرف سے یتیم بچوں کے لیے سند منصوبے کا حصہ ہے جس کا مقصد "مہارت اور علم میں اضافہ اور اس کی بہتری اور عملی رویئے کی تربیت کے ذریعے یتیم بچوں کے نگرانوں کی کارکردگی اور صلاحیتوں کو بڑھانا ہے۔"
یہ اقدام یتیم بچوں کے تحفظ اور نگہداشت سے متعلق طریقوں کا بھی احاطہ کرے گا۔
سند منصوبہ یتیم بچوں اور ان کے خاندانوں کے لیے سماجی، تعلیمی اور اقتصادی طور پر بااختیار بنانے والے پروگرام فراہم کرتا ہے۔ اس اقدام کے حصے کے طور پر حضرموت اور تعِز گورنری میں یتیم بچوں کی نگہداشت کے لیے کام کرنے والی تنظیموں کے 30 سماجی نگرانوں کے لیے ایک تربیتی پروگرام فراہم کیا جائے گا۔
