مدینہ کتاب میلہ 2024 نے 30 جون کو اپنے آغاز کے بعد سے لوگوں کی بڑی تعداد کو متوجہ کیا ہے۔ بڑھتا ہوا عوامی ٹرن آؤٹ ریکارڈ کیا گیا۔ اس کتاب میلے کو سعودی عرب میں عمومی طور پر اور مدینہ منورہ میں خاص طور پر پڑھنے کو فروغ دینے اور علم کے افق کو وسعت دینے کے لیے سب سے نمایاں ثقافتی پروگراموں میں سے ایک سمجھا جاتا ہے۔
کتاب کے شائقین اور ثقافتی مداحوں پر مشتمل زائرین روزانہ دوپہر دو بجے سے لے کر رات 12 بجے تک نمائش میں آتے ہیں۔ یہ نمائش کل پانچ اگست تک جاری رہے گی۔ میلے میں شہریوں اور رہائشیوں، نوجوان اور بوڑھے سب لوگ آرہے ہیں۔ مدینہ منورہ کے علاقے سے باہر سکولوں میں گرمیوں کی چھٹیوں سے بھی نمائش کی مانگ میں اضافہ ہوگیا ہے۔
نمائش کے پویلین اور راہداریوں پر کتاب کے شائقین اور ثقافتی مداحوں کا ہجوم ہے۔ یہ لوگ کتابی عنوانات اور ادبی، تعلیمی، سائنسی اور اسلامی اشاعتوں کے لحاظ سے چیزوں کو تلاش کر رہے ہیں۔ مقامی اور عرب ممالک کی طرف سے جاری کردہ بچوں اور بالغوں کی ادبی کتابوں کے علاوہ نمائش میں 300 سے زیادہ عرب اور بین الاقوامی اشاعتی ادارے شرکت کر رہے ہیں۔ حکومتی اور نجی ثقافتی اور دانشور اداروں کے ساتھ ساتھ ثقافت میں دلچسپی رکھنے والے کمیونٹی ادارے بھی میلے میں شریک ہیں۔
