اسلامی جہاد گروپ نے طولکرم میں اپنے کمانڈر کی شہادت کا اعلان کر دیا

فلسطینی مزاحمتی گروپ اسلامی جہاد نے طولکرم میں اپنے کمانڈر کے انتقال کی تصدیق کر دی ہے۔ کمانڈرمحمد جابر جنہیں عام طور پر ابو شجاع کے نام سے جانا جاتا ہے طولکرم کے علاقے نور شمس پناہ گزین کیمپ میں اسرائیلی فوج کے ایک حملے میں جاں بحق ہوئے ہیں۔

اسرائیلی فوج نے ایک بیان مین طولکرم میں اس کارروائی کے بارے میں کہا تھا کہ اس کے حملے میں 5 جنگجو ہلاک ہوئے ہیں۔ ان میں کمانڈرابو شجاع محمد جابر بھی شامل تھے۔

کمانڈر ابو شجاع طولکرم بریگیڈ کے کو کمان کر رہے تھے۔ طولکرم بریگیڈ القدس بریگیڈ سے منسلک ہے، یہ اسلامی جہاد گروپ کا عسکری ونگ ہے۔ طولکرم بریگیڈ کی نور شمس پناہ گزین کیمپ میں کافی حمایت پائی جاتی ہے۔

واضح رہے طولکرم کا علاقہ مغربی کنارے مے شمال میں واقع ہے۔اسلامی جہاد گروپ کے جاری کردہ بیان میں کہا گیا ہے کمانڈر ابو شجاع محمد جابر نے اپنے کئی دوسرے بھائیوں کے ساتھ ایک ہیرو کے انداز میں شہادت قبول کی ہے، وہ قابض اسرائیلی فوج کے خلاف بہادری سے لڑتے رہے۔'