وقت مطالعہ
گھنٹہ
سعودی عرب میں شہری دفاع کے جنرل ڈائریکٹوریٹ کا کہنا ہے کہ مملکت کے بعض علاقوں میں آج بدھ کے روز سے آئندہ اتوار تک گرج چمک کے ساتھ شدید بارشوں کا سلسلہ جاری رہے گا۔ ڈائریکٹوریٹ نے زور دیا ہے کہ اس دوران میں لوگ احتیاط سے کام لیں، محفوظ مقامات پر رہیں، بارش کے پانی کے اکٹھا ہونے کی جگہوں اور وادیوں سے دور رہیں اور وہاں تیراکی کی کوشش نہ کریں۔ مزید یہ کہ اس سلسلے میں میڈیا اور سوشل میڈیا کے ذریعے اعلان کردہ خصوصی ہدایات کی پابندی کریں۔
ڈائریکٹوریٹ کے مطابق مکہ مکرمہ، طائف، میسان، اضم، کامل، الجموم، البحرہ، اللیث، القنقذہ، الخرمہ، تربہ، رنیہ، المویہ، جدہ، خلیص اور رابغ کے علاقے بارش سے زیادہ متاثر ہو سکتے ہیں۔ ان کے علاوہ مدینہ منورہ، الباحہ، عسیر، جازان، نجران، حائل، الجوف، القصیم، الاحساء اور شمالی سرحدی صوبہ درمیانے درجے کی بارش ہو سکتی ہے۔
