جدہ کے مشہور بازار میں آتشزدگی ، شہری دفاع نے فورا قابو پا لیا

سعودی عرب کے شہر جدہ کے ایک مشہور بازار میں آتش زدگی کے واقعے میں کئی دکانیں جل گئیں تاہم شہری دفاع کے عملےنے فوری طور پرموقعے پر پہنچ کو آگ کو مزید پھیلنے سے روک دیا۔

اتوار کی صبح جدہ کی الروضہ کالونی میں واقع بین الاقوامی مارکیٹ میں آتش زدگی سے متعدد دکانیں جل گئیں۔

العربیہ کے نامہ نگار نے اطلاع دی ہے کہ الروضہ کے پڑوس میں جدہ انٹرنیشنل مارکیٹ کی عمارت کے اگلے حصے میں آگ لگنے سے بازار کو جزوی طور پر نقصان پہنچا۔ جدہ انٹرنیشنل مارکیٹ شہر کی قدیم ترین مارکیٹوں میں سے ایک ہے۔یہ چالیس 40 سال پرانا بازار ہے۔ اب بھی اپنی نوعیت کے منفرد کلاسک ڈیزائن کی وجہ سے مشہور ہے۔ بازار میں تقریباً 200 دکانیں ہیں جو تمام زمروں کی خدمت کرتی ہیں، کیونکہ یہاں مختلف اسٹورز موجود ہیں۔ کپڑوں، بیگ اور جوتوں کی دکانیں، ریستوران کی ایک بڑی تعداد کے علاوہ جیولری کی دکانیں بھی موجود ہیں۔