صدارت عامہ برائے امور حرمین شریفین نے مسجد نبوی کے صحنوں میں چلڈرن ہاسپیٹلٹی سنٹر کے ذریعے بچوں کے لیے مربوط خدمات کی فراہمی کا اعلان کیا ہے۔ اس منفرد سروس کا مقصد خدا کے مہمانوں کے تجربے کو بہتر بنانا اور انہیں مسجد نبوی میں پرسکون ماحول میں عبادت کے مواقع فراہم کرنا ہے۔
مرکز خصوصی عملے کی نگرانی میں کام کرتا ہے اور بچوں کو محفوظ ماحول میں حاصل کرتا ہے جو ان کی ضروریات کے مطابق ہوتا ہے۔
یہ مرکز مختلف قسم کے تعلیمی اور تفریحی پروگرام پیش کرتا ہے جو بچوں کی حسی اور علمی صلاحیتوں کو بہتر بناتےہیں۔ اس کے علاوہ ان کی جسمانی اور ذہنی نشوونما میں معاونت کرتے ہیں، ان خدمات کا مقصد بچوں کے لیے ایک بھرپور تجربہ فراہم کرنا اور ان کی پرورش کرنا ہے۔اس کے ساتھ ساتھ مسجد نبوی میں زائرین کو فراہم کردہ خدمات کی سطح کو بہتر بنانا ہے۔
یہ مرکز روزانہ صبح 5 بجے سے رات 11 بجے تک اپنی سروسز فراہم کرتا ہے۔ یہ مسجد نبوی کے شمال مشرقی جانب چوک نمبر 339-340 سے بیرونی راستے کے قریب قائم ہے۔اعدادوشمار کے مطابق 22 اگست 2024ء سے 27 اکتوبر 2024 تک کے دوران 65 مختلف قومیتوں کے 6,377 بچے سنٹرکی سروسز سے مستفید ہوچکے ہیں۔
