شہزادہ الولید بن طلال کی کنگڈم ہولڈنگ ٹک ٹاک میں دلچسپی رکھتی ہے: سی ای او

سعودی عرب کے شہزادہ الولید بن طلال کی سرمایہ کاری کمپنی کنگڈم ہولڈنگ کمپنی (کے ایچ سی) کے سی ای او نے بدھ کے روز العربیہ بزنس کو بتایا کہ اگر ایلون مسک یا دیگر پیشکش کریں تو کمپنی ٹک ٹاک میں سرمایہ کاری میں دلچسپی رکھتی ہے۔

کے ایچ سی کے سی ای او طلال المیمن نے ڈیووس میں عالمی اقتصادی فورم کے موقع پر العربیہ بزنس سے بات کرتے ہوئے کہا، "اگر مسک یا دیگر پیشکش کریں تو ہمیں اس سرمایہ کاری میں بیشک دلچسپی ہو گی۔"

کے ایچ سی کے پاس مسک کے ایکس اور ایکس اے آئی میں بھی حصہ داری ہے۔

چینی ملکیتی مختصر ویڈیو سوشل میڈیا ایپلی کیشن ٹک ٹاک کا مستقبل غیر واضح رہا۔ بھر امریکی صدر ڈونلڈ ٹرمپ نے اسے محفوظ کیا جس کے بعد ایپ دوبارہ بحال ہو گئی۔ قبل ازیں یہ تاریک ہو گئی تھی۔

ٹرمپ نے ایک صدارتی حکم نامے پر دستخط کر کے اس پر پابندی کا نفاذ 75 دن کے لیے مؤخر کر دیا۔ گذشتہ دنوں ایک بل منظور کیا گیا تھا کہ چین کی مالک کمپنی بائٹ ڈانس ٹک ٹاک کو فروخت کر دے یا امریکہ میں پابندی کا سامنا کرے۔

کمپنی کے امریکی آپریشنز کو بچانے کے لیے ٹرمپ نے امریکہ اور اس کے چینی مالک بائٹ ڈانس کے درمیان 50-50 شراکت داری کا خیال بھی پیش کیا اگرچہ انہوں نے اس بارے میں تفصیلات فراہم نہیں کیں کہ یہ کیسے ہو سکتا ہے۔

منگل کے روز صدر نے کہا کہ وہ مسک کے ٹِک ٹاک خریدنے کی حمایت کریں گے۔

المیمن نے العربیہ بزنس کو یہ بھی بتایا کہ ٹرمپ انتظامیہ میں مسک کے نئے کردار اور دیگر ذمہ داریوں کے باوجود کمپنی کا خیال ہے کہ ٹیک ارب پتی اپنے وقت کو صحیح طریقے سے تقسیم کرنے کی صلاحیت رکھتے ہیں۔

مسک کو حکومت کے اخراجات کو کم کرنے کی غرض سے نیا محکمہ برائے حکومتی کارکردگی (ڈی او جی ای) چلانے کا کام سونپا گیا ہے۔