رمضان المبارک کے پہلے نصف کے دوران مسجد حرام اور مسجد نبوی میں ایک کروڑ سے زائد افطار کھانے پیش کیے گئے ہیں۔ المسجد الحرام اور مسجد نبوی کے امور کی دیکھ بھال کی مجلس عمومی نے بتایا کہ رمضان المبارک کے ماہ مقدس کے آغاز سے اس کے وسط تک ان دونوں مساجد میں روزہ داروں کو 10.8 ملین سے زیادہ افطار کھانے پیش کیے گئے۔ اس کے منصوبے کے تحت ضیوف الرحمن کے لیے افطاری کا اہتمام کیا گیا ہے۔
جنرل اتھارٹی نے مزید وضاحت کی کہ حرمین شریفین میں روزہ داروں کو فراہم کیے جانے والے افطاری کے کھانوں کی تعداد ایک کروڑ 8 لاکھ لاکھ 22 ہزار 999 تک پہنچ گئی ہے۔ المسجد الحرام اور مسجد نبوی میں کھجوروں کے ایک کروڑ 2 لاکھ 90 ہزار پیکجز تقسیم کیے گئے ہیں۔ اس سال عمرہ کے دوران معتمرین کی تعداد میں نمایاں اضافہ دیکھنے میں آیا ہے۔
جنرل اتھارٹی نے اس حقیقت کی طرف توجہ مبذول کرائی ہے کہ تقسیم کی کارروائیاں ریگولیٹری اور صحت کے معیارات کے مطابق انجام دی گئیں۔ ان کا مقصد زائرین کی حفاظت کو یقینی بنانا اور دونوں مقدس مساجد اور ان کے صحنوں میں افطاری کے لیے مختص جگہوں پر خدمات فراہم کرنے میں لچک پیدا کرنا ہے۔
