اردن نےشامی سیاحتی گروپوں کو اپنی سرزمین میں داخلے کی اجازت دے دی

اردنی وزارت داخلہ کے ترجمان طارق المجالی نے شامی سیاحتی گروپوں کو مملکت میں داخلے کی منظوری کا اعلان کیا ہے۔

انہوں نے وضاحت کی کہ شامی سیاحوں کے داخلے کی بحالی پہلے سے نافذ کردہ ضوابط اور شرائط کے ساتھ مشروط ہے۔ لائسنس یافتہ سفری اور سیاحتی ایجنسیوں کے ذریعےیہ اجازت د ی گئی ہے، جس کے دورے کی مدت ایک ماہ تک محدود ہے۔

المجالی نے مزید کہا کہ فیصلہ آج سے نافذ العمل ہے۔ مجاز حکام نے مخصوص فریم ورک کے مطابق اس کے نفاذ کو یقینی بنانے کے لیے ضروری اقدامات کرنا شروع کر دیے ہیں۔

انہوں نے نشاندہی کی کہ "یہ قدم سیاحت کے شعبے کی حمایت، سیاحت کی سرگرمیوں کو فروغ دینے اور شام میں اپنے بھائیوں کے لیے سفر کی سہولت فراہم کرنے، مملکت کی سلامتی کو برقرار رکھتے ہوئے منظور شدہ ’ایس اوپیز‘ کی تعمیل کو یقینی بنانے کے فریم ورک کے اندر شامی باشندوں کے اردن کے سفر کی سہولت فراہم کرنے لیے شروع کیا گیاہے"۔