ہم شام کے معاملات میں بیرونی مداخلت کو مسترد کرتے ہیں: سعودی مندوب

سعودی عرب نے ایک بار پھر اس بات کی تصدیق کی ہے کہ اسرائیل کے شام پر حملے جامع تصفیے کے لیے اقوام متحدہ کی کوششوں کو کمزور کر سکتے ہیں۔ اسی دوران سعودی عرب نے اقوام متحدہ میں اپنے مندوب کے ذریعے شام کے اندرونی معاملات میں تمام بیرونی مداخلتوں کو مسترد کر دیا۔ یو این میں سعودی عرب کے مندوب ڈاکٹر عبدالعزیز الواصل نے کہا کہ مملکت فوری طور پر شام پر اسرائیلی حملوں کو روکنے کو یقینی بنانے کا مطالبہ کرتی ہے۔ مندوب عبدالعزیز الواصل نے اس بات پر بھی زور دیا کہ ان کا ملک شام کے حکام کی سلامتی اور استحکام حاصل کرنے کی کوششوں کی حمایت کرتا ہے۔