اسرائیل نے غزہ میں موت بانٹنے کی اپنی جارحانہ جنگہ حکمت عملی تبدیل کرتے ہوئے یومیہ جنگی کارروائیوں کے لیے نیا نظام الاوقات جاری کیا ہے۔ بمباری اور جنگی کارروائیوں کا یہ نظام الاوقات بظاہر غزہ میں کچھ وقت کے لیے خوراک کی ترسیل ممکن بنانے کے لیے بین الاقوامی دباؤ کے نتیجے میں کرنے کا اعلان کیا گیا ہے۔
اسرائیلی وزیر اعظم نیتن یاہو نے اقوام متحدہ کو اتوار کے روز آگاہ کیا ہے کہ اب اسرائیل پر الزام تراشی بند کی جائے۔ کیونکہ اسرائیل نے انسانی بنیادوں پر غزہ میں فوجی کارروائیوں میں وقفہ کرنے کا فیصلہ کیا ہے۔
اس نئے فیصلے سے راہداریوں سے غزہ میں خوراک فراہمی کی اجازت دی جائے گی۔ یہ پہلے بھی محفوظ راستے تھے اب سرکاری طور پر اعلان بھی کر دیا گیا ہے۔
اسرائیلی وزیر اعظم کا یہ بیان ایک فوجی اڈے کے دورہ کے موقع پر سامنے آیا ہے۔ جہاں وہ بمباری کی نئی حکمت عملی کے لیے بریفنگ میں گئے تھے۔
