سعودی فلم میکرز سٹوڈیو: پہلا سیزن چار دستاویزی فلموں کی تیاری کے ساتھ اختتام پذیر

سعودی عرب میں الخبر میں سنیما ایسوسی ایشن نے اپنے "فلم میکرز سٹوڈیو" کے تربیتی پروگرام کے پہلے ایڈیشن اختتام پذیر ہوگیا۔ یہ ایڈیشن 13 جولائی کو شروع ہوا اور تقریباً ایک ماہ تک جاری رہا۔ اس پروگرام نے 24 نوجوان ٹیلنٹ کو اپنی طرف متوجہ کیا جنہوں نے سکرپٹ رائٹنگ اور ڈائریکشن سے لے کر فوٹو گرافی، پروڈکشن، ایڈیٹنگ اور ساؤنڈ تک سنیما کے فنون میں گہرا تجربہ حاصل کیا۔ پروگرام نے شرکا کو پیشہ ورانہ سازوسامان کے ساتھ کام کرنے کا موقع فراہم کیا اور خصوصی ٹرینرز کی نگرانی میں انہیں حقیقی زندگی کے فلمی پروڈکشن ماحول میں کام کا موقع فراہم کیا۔

ایسوسی ایشن کے ایگزیکٹو ڈائریکٹر ہانی الملا نے وضاحت کی کہ یہ پروگرام ایک عملی راستے کی نمائندگی کرتا ہے جس کا مقصد ایسے کاموں کو تیار کرنا ہے جو مقامی اور بین الاقوامی تہواروں میں دکھائے جا سکتے ہیں۔ اس کا مقصد سعودی ’’ ویژن 2030 ‘‘ کے اہداف کے مطابق اس شعبے میں قومی قابلیت کو دوگنا کرنا ہے۔ انہوں نے عندیہ دیا کہ تعلیمی اور تربیتی شراکت داری قائم کرنے کے منصوبوں کے ساتھ مستقبل میں اس پروگرام میں دیگر شہروں کو بھی شامل کیا جائے گا۔ تربیت یافتہ افراد نے ٹیکنیکل اور ووکیشنل ٹریننگ کارپوریشن کے ذریعے تسلیم شدہ سرٹیفکیٹ حاصل کیے۔ اس پروگرام کے شرکا کو ایک سرکاری پیشہ ورانہ جہت ملی۔

چار ہفتوں کے دوران پروگرام کو چیلنجوں کا سامنا کرنا پڑا۔ خاص طور پر مفت رجسٹریشن اور عمر کا بڑھا ہوا گروپ بھی ایک چیلنج تھا۔ اس سے پس منظر اور تجربات میں تنوع کا اضافہ ہوا۔ ٹیم ورک کے جذبے اور پیداوار کا معیار مثبت طور پر ظاہر ہوا۔ تجربے کے اختتام پر شرکاء نے کامیابی کے ساتھ چار مختصر دستاویزی فلمیں تیار کیں جن میں ان کے تخلیقی تصورات کی نمائش کی گئی۔

فاطمہ الحساوی کی طرف سے تیار فلم ’’ ما وراء الشباک ‘‘ نے ایک ایسا بصری سفر پیش کیا جس نے الخبر کے ایک محلے کے بارے میں ایک نوجوان کے نظریے کو بوریت سے حیرت میں بدل دیا۔ راکان الشہری کی "مصنع النجوم: اسرار ھولیوود ‘‘ نے بین الاقوامی سنیما کی چمک دمک کو دریافت کیا جس میں اداکاروں کے ستاروں کے رازوں سے پردہ اٹھایا گیا ۔ نایا اور راما الشہری کی طرف سے "20 دقیقۃ" میں ایک پراسرار رات کے ڈرامائی پلاٹ کو دکھایا گیا جو وقت کے خلاف ایک دوڑ میں تین لڑکیوں کو اکٹھا کرتی ہے۔ لیلیٰ الجفال کی دستاویزی فلم " رجل من خشبۃ المسرح ‘‘ میں 1974 میں سعودی تھیٹر میں فنکار عبداللہ الجفّال کے کیریئر کے آغاز کی کہانی پیش کی گئی۔

تربیت کے علاوہ پروگرام میں فنکاروں سعید قریش، سمیر الناصر، ابراہیم الحساوی، اور ریم ارحمہ کے ساتھ کھلی ملاقاتیں کی گئیں جنہوں نے شرکاء کے لیے حوصلہ افزائی کے لیے اپنے ذاتی تجربات شیئر کیے۔ یہ کام 4 ستمبر کو پروگرام کے دوسرے مرحلے کے اختتام پر ایک اختتامی تقریب میں دکھائے جانے والے ہیں۔ اس وقت آٹھ فلمیں پیش کی جائیں گی جس کا اختتام ایک تربیتی پروگرام سے ہوگا۔