غزہ میں فاقے امداد کی ناکہ بندی کا براہِ راست نتیجہ ہے: دفتر برائےانسانی حقوق اقوامِ متحدہ

اقوامِ متحدہ کے دفتر برائے انسانی حقوق نے منگل کو کہا ہے کہ اسرائیل غزہ کی پٹی میں کچھ سامان پہنچا تو رہا ہے لیکن یہ وسیع پیمانے پر فاقہ کشی روکنے کے لیے کافی نہیں ہے۔

ترجمان ثمین الخیطان نے جنیوا میں ایک پریس بریفنگ میں بتایا، "گذشتہ چند ہفتوں میں اسرائیلی حکام نے بہت کم مقدار میں امداد داخل کرنے کی اجازت دی ہے جو وسیع پیمانے پر فاقے روکنے کے لیے ناکافی ہے۔"

انہوں نے مزید کہا کہ غزہ میں فاقہ کشی کا خطرہ "اسرائیلی حکومت کی انسانی امداد روکنے کی پالیسی کا براہِ راست نتیجہ ہے۔" امداد کے لیے رابطہ کاری کرنے والی اسرائیل کی فوجی ایجنسی کوگاٹ (سی او جی اے ٹی) نے کہا ہے کہ غزہ میں امداد کی تقسیم کے لیے اسرائیل "خاطر خواہ کوششیں" کرتا ہے۔