وقت مطالعہ
گھنٹہ
سعودی عرب کے فرمانروا شاہ سلمان بن عبدالعزیز کو مصر کے صدر عبدالفتاح السیسی کی جانب سے ایک مکتوب موصول ہوا ہے جس میں دونوں ملکوں کے تعلقات اور انہیں مختلف شعبوں میں مزید مستحکم بنانے کے طریقوں پر بات کی گئی ہے۔
یہ مکتوب ریاض میں وزارت خارجہ کے ہیڈکوارٹر میں مصری سفیر ایہاب ابو سریع نے سعودی وزارت خارجہ کے بین الاقوامی امور کے معاون اور عوامی سفارت کاری کے نگران ڈاکٹر عبدالرحمن الرسی کو پیش کیا۔
دونوں عہدیداروں کے درمیان ملاقات میں سعودی عرب اور مصر کے درمیان دو طرفہ تعلقات کا جائزہ لیا گیا اور مختلف شعبوں میں تعاون کو بڑھانے کے امکانات پر تبادلہ خیال کیا گیا۔
