سعودی وزیرِ دفاع شہزادہ خالد بن سلمان نے امریکی وزیرِ خارجہ اور قائم مقام امریکی مشیرِ قومی سلامتی مارکو روبیو، امریکی وزیرِ دفاع پیٹ ہیگستھ اور خطے کے لیے امریکی خصوصی ایلچی اسٹیو وِٹکوف سے ملاقات کی۔
ملاقات کے دوران سعودی عرب اور امریکہ کے درمیان تعلقات اور دونوں دوست ممالک کے مابین اسٹریٹجک شراکت داری کے مختلف پہلوؤں کا جائزہ لیا گیا۔ ساتھ ہی علاقائی اور بین الاقوامی حالات پر بھی تبادلہ خیال ہوا۔ یہ بات شہزادہ خالد بن سلمان نے پلیٹ فارم "ایکس" پر اپنی ایک پوسٹ میں بتائی۔
التقيت معالي وزير الخارجية مستشار الأمن القومي الأمريكي المكلف ومعالي وزير الحرب الأمريكي والمبعوث الأمريكي الخاص للشرق الأوسط.
— Khalid bin Salman خالد بن سلمان (@kbsalsaud) November 11, 2025
استعرضنا خلال اللقاء العلاقات السعودية الأمريكية وأوجه الشراكة الإستراتيجية بين بلدينا الصديقين، وبحثنا المستجدات الإقليمية والدولية.
اسی سلسلے میں سعودی ولی عہد اور وزیراعظم شہزادہ محمد بن سلمان رواں ماہ کی 18 تاریخ کو امریکی دارالحکومت واشنگٹن کا دورہ کریں گے، جہاں ان کی ملاقات امریکی صدر ڈونلڈ ٹرمپ سے متوقع ہے۔
یہ شہزادہ محمد بن سلمان کا واشنگٹن کا دوسرا دورہ ہو گا۔ ان کا پہلا دورہ 2018 میں سعودی فرماں روا شاہ سلمان بن عبدالعزیز کی ہدایت پر ہوا تھا۔
