سعودی شہزادی ریما کا 10 کے ایس اے مہم کینسر سے آگاہی کے لیے تیار

سرکاری اور نجی اداروں نے آٹھ دسمبر کو سعودی عرب میں کینسر سے متعلق آگاہی کی ایک تقریب میں تعاون کا وعدہ کیا ہے۔

ٹین کے ایس اے 2025 نامی مہم عوام کو دعوت دیتی ہے کہ کینسر سے متعلق آگاہی کی نمائندگی کرنے والا لیوینڈر ربن بنائیں اور انہیں سوشل میڈیا پر اس عنوان کے ساتھ پوسٹ کریں کہ وہ کس طرح ایک صحت مند زندگی گذار رہے ہیں۔

ٹین کے ایس اےکی بانی شہزادی ریما بندر آلِ سعود نے ایک بیان میں کہا: "ہم ان تمام لوگوں کے شکر گذار ہیں جو اس مہم میں حصہ لینے کی اور اپنی فراخدلانہ حمایت کی پیشکش کرتے ہیں۔

"پیر آٹھ دسمبر 2025 کو آپ جہاں کہیں بھی ہوں ایک لیونڈر ربن بنا کر ہمارے ساتھ شامل ہوں۔ آئیے اپنے اور اپنے عزیزوں کے لیے ایک صحت مند مستقبل بنائیں: صحت کے لیے ایک ساتھ۔"

اس سال کی سرگرمیاں اور تقریبات سرکاری اور نجی اداروں کی جانب سے متعدد طریقوں سے تعاون کے ساتھ اتفاقاً بیک وقت ہو رہی ہیں اور وزارتِ تعلیم نے سرگرمیوں کے ایک پیکیج کی مدد سے تمام علاقوں اور گورنریوں میں سکولوں کی شرکت کو فعال کیا ہے جس کا مقصد طلباء کو صحت مند طرزِ زندگی کے بارے میں تعلیم دینا ہے۔

وزارت برائے ماحولیات، پانی و زراعت (ایم ای ڈبلیو اے) کے تعاون سے عسیر کے علاقے میں 10,000 لیوینڈر جھاڑیاں لگائی جا رہی ہیں جس کی نمائندگی دیگر شراکت داروں کے ساتھ مروج نے کی ہے۔

ایم ای ڈبلیو اے کے نائب وزیر اور مروج کے بورڈ آف ٹرسٹیز کے چیئرمین منصور بن ہلال المشیطی نے کہا: "ماحولیاتی پائیداری انسانی صحت اور معیارِ زندگی کا خیال کرنے کی توسیع ہے۔ اس اقدام کا مقصد مملکت میں صحت اور ماحولیاتی بیداری میں اضافہ اور ماحولیات کو مزید بہتر کرنا ہے۔"

سعودی کیمل فیڈریشن دریں اثناء اونٹوں پر مشتمل لیوینڈر ربن کی ایک شاندار صورت تشکیل دے کر اپنی حمایت کا اظہار کر رہی ہے۔

سات سے نو دسمبر تک سعودی سپورٹس فار آل فیڈریشن ہر ایک کو 10 کے ایس اے سٹیپ چیلنج کے ذریعے مزید آگے بڑھنے کی ترغیب دے رہا ہے جس میں دلچسپ انعامات جیتنے کا موقع حاصل کرنے کے لیے لوگوں کو روزانہ 10,000 قدم چلنے کی دعوت دی گئی ہے۔

جیسا کہ تمام دنیا میں سعودی سفارت خانے آگاہی میں اضافے کرنے والی سرگرمیوں کی میزبانی کر رہے ہیں اور سعودی طلباء امریکہ میں قائم کیمپسز میں 10 کے ایس اے کے پیغامات کا اشتراک کر رہے ہیں تو مہم تقویت حاصل کر رہی ہے۔

گیمبیا اور پورے مغربی افریقہ میں سیف ہینڈز فار گرلز نیشنل کنٹرول پروگرام سے تعاون کر رہا ہے تاکہ مقامی طبقات تک صحت کی سکریننگ لانے کے لیے خواتین، نوجوانوں اور شعبہ صحت کے پیشہ ور افراد کو یکجا کیا جائے۔

ایکٹیویشن ڈے کی طرف بڑھتے ہوئے روشن گروپ نے ہر طرح کے کینسر کے بارے میں بیداری پیدا کرنے کے لیے عوامی مصروفیت کی سرگرمیاں شروع کی ہیں۔

وزارتِ صحت اور وزارتی کمیٹی برائے صحت کے ساتھ شراکت میں 10 کے ایس اے کا ہر ایک کے لیے پیغام ہے کہ آٹھ دسمبر کو اپنے لیوینڈر ربن کی تصویر یا ویڈیو اس کیپشن کے ساتھ پوسٹ کریں جس میں وہ اپنی صحت کے لیے کیے گئے اقدامات پر روشنی ڈالیں۔ KSA202510@کو ٹیگ کریں اور #10KSA کا ہیش ٹیگ استعمال کریں۔

مہم میں حصہ لینے کے طریقہ کار سے متعلق مزید معلومات 10 کے ایس اے کی باضابطہ ویب سائٹ پر مل سکتی ہیں۔

یہ مہم مختلف سعودی اداروں کے تعاون کی بدولت ممکن ہوئی ہے جن میں وزارتِ صحت، وزارتی کمیٹی برائے صحت، وزارتِ تعلیم، وزارتِ خارجہ، وزارتِ ماحولیات، پانی و زراعت، عسیر ڈویلپمنٹ اتھارٹی اور ماحولیات فنڈ شامل ہیں۔

مہم کو روشن گروپ، عرب نیشنل بینک، مکاتفہ، مروج، webook.com، العربیہ، فلوارڈ اور جاہز جیسے شراکت داروں کا تعاون بھی حاصل ہے۔