شاہ سلمان ریلیف سینٹر کی ادلب میں بے گھر خاندانوں کے لیے امداد
شامی عوام کی مشکلات کم کرنے کے لیے انسانی منصوبوں کا تسلسل
سعودی عرب کے امدادی ادارے شاہ سلمان ریلیف مرکز نے گذشتہ جمعے کے روز شمالی شام میں صوبہ حلب کے اندر بے گھر ہونے والے خاندانوں میں 400 غذائی پیکٹس اور رہائشی سامان تقسیم کیا۔ یہ اقدام حالیہ واقعات کے بعد سامنے آیا جن کے نتیجے میں شامی سول ڈیفنس کے مطابق علاقے کے مختلف محلوں سے تقریباً ایک لاکھ انسٹھ ہزار افراد نقل مکانی پر مجبور ہوئے۔
یہ امداد مرکز شاہ سلمان کے ان انسانی منصوبوں کا حصہ ہے جو شامی عوام کی مشکلات میں کمی لانے اور موجودہ چیلنجز کے دوران ان کی مدد کے لیے مسلسل جاری ہیں۔
#مركز_الملك_سلمان_للإغاثة يوزّع سلالًا غذائية ومواد إيوائية على 400 أسرة نازحة في محافظة #حلب، ضمن المساعدات السعودية للتخفيف من معاناة الأسر المتضررة pic.twitter.com/ET9KyMmhSp
— مركز الملك سلمان للإغاثة (@KSRelief) January 9, 2026
دوسری جانب شامی فوج نے ہفتے کے روز اعلان کیا کہ حلب شہر کے محلہ الشیخ مقصود میں فوجی کارروائیاں روک دی گئی ہیں۔ تاہم شامی ڈیموکریٹک فورسز قسد نے جنگ بندی کے کسی اعلان کی تردید کی ہے۔
