ایک مذہبی رہنما نے لبنانی عوام کے درمیان تنازعہ کھڑا کردیا… کیا وہ واقعی پادری ہے یا ڈی جے

پچھلے چند دنوں کے دوران پرتگالی کیتھولک پادری Padre Guilherme کا نام بہت سے لبنانیوں خاص طور پر عیسائیوں کے درمیان سوشل میڈیا پر زیرِ بحث رہا۔کچھ حلقوں نے کل رات بیروت کے AHM کلب میں ہونے والی پارٹی کو منسوخ کرنے کا مطالبہ کیا، کیونکہ اس واقعے اور اس متنازع پادری کے حوالے سے رائے میں شدید تقسیم دیکھی گئی۔

کئی لبنانیوں جن میں کچھ پادری بھی شامل تھے، نے دو دن قبل بیروت کے فوری امور کے جج کے پاس درخواست دی تاکہ پارٹی منسوخ کی جا سکے۔ تاہم جج امانی مرعشلی نے یہ درخواست مسترد کر دی، کیونکہ درخواست دینے والا فریق قانونی حیثیت نہیں رکھتا تھا اور کسی رسمی مذہبی ادارے کی نمائندگی نہیں کر رہا تھا۔

یہ پادری جو تقریباً 51 سال کے ہیں، لبنانی عوام کے درمیان بڑا تنازعہ پیدا کر چکے ہیں۔ کئی لوگوں نے ان کے کام کو ڈی جے کے طور پر مذہبی فرائض کے ساتھ انجام دینے پر تنقید کا نشانہ بنایا اور ان کی شوریدہ پارٹیوں کے انداز اور مذہبی علامات کے ساتھ تکنو موسیقی کے امتزاج پر سوال اٹھایا۔

دوسری جانب کچھ لوگ ان کے اس انداز کی حمایت کر رہے ہیں اور اسے روایتی طریقے کے بغیر نوجوانوں کو متوجہ کرنے کا مؤثر ذریعہ قرار دے رہے ہیں۔

Padre Guilherme 2020 کے آغاز سے ڈی جے کے طور پر سرگرم ہیں، جہاں وہ الیکٹرانک موسیقی اور عیسائی علامات کو یکجا کر کے اپنی پارٹیوں میں پادری کا لباس پہن کر پرفارم کرتے ہیں۔انہیں عالمی سطح پر بھی کافی مقبولیت حاصل ہے اور انہوں نے World Youth Day جیسی بڑی تقریبات میں پرفارم کیا، لشبون کی تقریب میں ایک ملین سے زائد افراد کے سامنے اور پوپ کی موجودگی میں بھی اس نے پرفام کیا ہے۔