سعودی وزیر خارجہ کی عمانی اور قطری ہم منصب کے ساتھ خطے کی صورت حال پر بات چیت

سعودی عرب کے وزیر خارجہ شہزادہ فیصل بن فرحان بن عبداللہ نے دو علاحدہ ٹیلی فون رابطوں میں سلطنت عمان کے وزیر خارجہ بدر بن حمد البوسعیدی اور قطر کے وزیر اعظم و وزیر خارجہ محمد بن عبدالرحمن آل ثانی سے بات چیت کی۔ اس دوران خطے کی صورت حال میں ہونے والی تازہ پیش رفت پر تبادلہ خیال کیا گیا۔

سعودی وزارت خارجہ کے مطابق ان دونوں رابطوں میں خطے کے مجموعی منظرنامے میں ہونے والی تبدیلیوں، امن و استحکام کے فروغ کے لیے مشترکہ طور پر کی جانے والی کوششوں اور باہمی دل چسپی کے امور پر نقطہ نظر کے تبادلے پر گفتگو ہوئی۔