امریکی وزیر خارجہ کا شہزادہ فیصل بن فرحان سے رابطہ

امریکی وزارت خارجہ کے مطابق وزیر خارجہ مارکو روبیو نے اپنے سعودی ہم منصب شہزادہ فیصل بن فرحان سے ٹیلی فون پر رابطہ کیا ہے۔

امریکی وزارت خارجہ کا کہنا ہے کہ روبیو نے سعودی عرب پر ایرانی "شرم ناک حملوں" کی مذمت کی۔

سعودی عرب نے آج اپنے اس مکمل حق کی تصدیق کی ہے کہ وہ ایسے اقدامات کرے جو اس کی سکیورٹی، خود مختاری، علاقائی سالمیت کے تحفظ اور جارحیت کو روکنے کے ضامن ہوں۔

ساتھ ہی سعودی عرب نے مملکت، خلیج تعاون کونسل کے رکن ممالک اور متعدد عرب، اسلامی اور دوست ممالک پر ایرانی مجرمانہ حملوں کی شدید مذمت کی۔

مزید برآں، سویلین مقامات، ہوائی اڈوں اور تیل کی تنصیبات پر حملہ کر کے سکیورٹی اور استحکام کو خطرے میں ڈالنے پر اصرار اور بین الاقوامی معاہدوں اور بین الاقوامی قانون کی کھلی خلاف ورزی کی بھی مذمت کی گئی۔