فرانس اسرائیل اور لبنان کے درمیان جنگ بندی مذکرات کی سہولت کاری کے لیے تیار ہے: میکرون

فرانس کے صدر ایمانوئل میکرون نے ہفتے کے روز ایکس پر ایک پوسٹ میں کہا ہے کہ فرانس پیرس میں اسرائیل اور لبنان کے درمیان جنگ بندی پر تبادلۂ خیال میں سہولت فراہم کرنے کے لیے تیار ہے۔

انہوں نے کہا ہے کہ لبنانی قیادت اسرائیل سے براہِ راست مذاکرات کے لیے تیار ہے اور اسرائیل سے مطالبہ کیا کہ وہ "اس موقع سے فائدہ اٹھاتے ہوئے جنگ بندی پر بات شروع کرے تاکہ ایک دیرپا حل تلاش کیا جائے اور لبنانی حکام کو ملک کی خودمختاری پر توجہ مرکوز کرنے کا موقع ملے"۔

انہوں نے اسرائیل سے جارحیت اور حزب اللہ سے کارروائیاں بند کرنے کا مطالبہ کیا۔

انہوں نے کہا، "لبنان کو افراتفری کی طرف جانے سے روکنے کے لیے سب کچھ کیا جائے۔"