سلمان شاہی مرکز برائے امداد و انسانی خدمات نے یمن کے صوبہ حضرموت کے شہر مکلا میں مچھلی، سبزیوں اور پھلوں کی مرکزی مارکیٹ کی عمارت کی بحالی مکمل کر دی۔
یہ منصوبہ پائیدار زراعت اور زرعی و ماہی گیری کے شعبوں کو بااختیار بنانے کے پروگرام کے تحت انجام دیا گیا، جس کا مقصد یمن میں عوام کی معاشی استحکام اور مشکلات کا مقابلہ کرنے کی صلاحیت کو مضبوط بنانا ہے۔
اس مارکیٹ میں مچھلی فروخت کرنے کے 22 مراکز موجود ہیں۔ منصوبے کے تحت مارکیٹ کے بیرونی حصوں کی تزئین و مرمت، مچھلی فروخت کرنے کے 22 مراکز اور سبزیوں و پھلوں کے 17 مراکز کی بحالی کی گئی۔
اس کے علاوہ پانی اور نکاسیٔ آب کے نظام کی مرمت، بجلی کے نظام کی جدید کاری اور انتظامی دفاتر کو بھی بہتر بنایا گیا۔
اس اقدام کا مقصد مقامی ماہی گیروں اور کسانوں کے لیے جدید بنیادی ڈھانچہ فراہم کرنا، معیاری زرعی و سمندری مصنوعات صارفین تک پہنچانا اور زرعی و ماہی گیری کی پیداوار میں اضافہ کرنا ہے۔
ساتھ ہی مصنوعات کی ترسیل اور منڈیوں تک رسائی کو بھی بہتر بنایا جا رہا ہے۔
یہ منصوبہ سعودی عرب کی جانب سے سلمان شاہی امدادی مرکز کے ذریعے یمن کے مختلف صوبوں میں انسانی و ترقیاتی خدمات اور بنیادی سہولیات کی بہتری کے سلسلے کی ایک کڑی ہے۔
