ایران نے انسانی حقوق کے لیے کام کرنے والی ایک خاتون وکیل نسرین ستودہ کو بدھ کے روز ضمانت پر رہا کیا ہے۔ انہیں اپریل کے شروع میں گرفتار کیا گیا تھا۔ انسانی حقوق کے لیے کام کرنے والی خاتون وکیل ایران کے خلاف بدترین امریکی و اسرائیلی جنگ کے دنوں میں گرفتار کی گئی تھی۔ ان کی بیٹی نے یہ بات بدھ کے روز ایرانی نیوز ایجنسیز کو بتائی ہے۔
ایرانی اعلیٰ سیکیورٹی ادارے سے وابستہ نورنیوز نے کہا کہ ستودہ کو ضمانت پر رہا کر دیا گیا ہے۔ ستودہ کی بیٹی مہرواہ نے اپنی والدہ کی ضمانت پر رہائی کی تصدیق سوشل میڈیا پوسٹ کے ذریعے کی ہے۔ یاد رہے ستودہ کو 2012 میں یورپی پارلیمان سے سخاروف پرائز بھی مل چکا ہے۔ حالیہ گرفتاری سے قبل بھی انہیں سیکیورٹی الزامات کے تحت جیل بھیجا گیا ہے۔
دوسری جانب نوبل انعام یافتہ نرگس محمدی کے خاندان کے زیر انتظام فاؤنڈیشن نے بتایا ہے کہ نرگس کو ملنے والی سزا میں ضمانت کے بدلے معطلی کے بعد تہران کے ایک ہسپتال میں منتقل کیا گیا ہے۔
