داعش نے ہفتے کے روز شام کے شمال مشرقی صوبہ حلب کے شہر منبج کے قریب ایک حملے کی ذمہ داری قبول کی جس میں شامی وزارتِ دفاع کے مطابق دو فوجی ہلاک ہوئے۔
دہشت گرد گروپ نے یہ دعویٰ اپنے ٹیلی گرام چینل پر ایک بیان میں کیا۔ رائٹرز آزادانہ طور پر اس دعوے کی تصدیق نہیں کر سکا۔
قبل ازیں ہفتے کے روز وزارتِ دفاع نے کہا تھا کہ منبج کے قریب نامعلوم حملہ آوروں کے ہاتھوں دو فوجی ہلاک ہو گئے لیکن مزید تفصیلات فراہم نہیں کی گئیں۔
یہ حملہ فروری کے بعد سے داعش کی طرف سے حملوں کے ایک سلسلے کے درمیان ہوا جسے داعش نے صدر احمد الشرع کی حکومت کے خلاف کارروائیوں کا ایک نیا مرحلہ قرار دیا ہے۔
شامی فوج اور سکیورٹی ذرائع کے مطابق شامی حکومت نے شمالی اور مشرقی شام کے بعض حصوں میں اپنا کنٹرول بڑھا دیا ہے اور امریکی افواج نے ملک کے شمال مشرق میں بعض مقامات سے انخلاء شروع کر دیا ہے۔
