امریکی فوج نے بدھ کے روز ایک بیان میں کہا ہے کہ اس نے ایران پر حملوں کا تازہ ترین دور ختم کر دیا جو امریکی حملوں کی مسلسل 11ویں رات تھی۔
امریکی مرکزی کمان (سینٹ کام) نے ایک بیان میں کہا، "سینٹ کام کے اثاثہ جات نے ایرانی فوجی کارروائیوں کے مراکز، بحری صلاحیتوں، ہوائی جہازوں کے ہینگرز، ڈرون کی ذخیرہ گاہوں اور فوجی لاجسٹک انفراسٹرکچر کو نشانہ بنایا تاکہ ایران کی آبنائے ہرمز میں تجارتی جہازرانی کو خطرے میں ڈالنے کی صلاحیت مزید کم کی جائے۔"
امریکی فوج کے مطابق حملے منگل کو تقریباً 75 منٹ دیر تک جاری رہے۔
واشنگٹن نے کہا کہ ایران نے گذشتہ تین ماہ میں آبنائے ہرمز سے گذرنے والے 30 سے زائد تجارتی جہازوں پر حملہ کیا ہے۔
ایرانی وزارتِ صحت کے ایک اہلکار نے بتایا کہ ایران پر حالیہ امریکی حملوں میں پچاس شہری ہلاک اور 500 زخمی ہوئے ہیں۔
حالیہ دنوں میں جنگ میں امریکی فوجیوں کی ہلاکتیں 18 ہو گئی ہیں۔
پیر کے روز امریکی صدر ڈونلڈ ٹرمپ نے امریکی فوجیوں پر مہلک حملوں کے بعد ایران کے خلاف بدلہ لینے کا عزم کیا تھا۔
گذشتہ ہفتے ٹرمپ نے ایران میں توانائی کے پلانٹس اور پُلوں پر بھی حملوں کی دھمکی دی تھی۔
