آئی ایم ایف کے کہنے پر مزید 170 ارب کے ٹیکس لگانا ہوں گے: وزیر خزانہ

وفاقی وزیر خزانہ اسحاق ڈار کا کہنا ہے کہ آئی ایم ایف کی جانب سے ہدایات پر ملک میں 170 ارب کے نئے ٹیکس نافذ کرنا پڑیں گے۔

محمد اسحاق ڈار نے اسلام آباد میں پریس کانفرنس کرتے ہوئے کہا کہ آئی ایم ایف کے جائزے کے بعد 1٫2 ارب ڈالر ملنے کی توقع ہے۔ وزیر خزانہ کے مطابق آئی ایم ایف کی جانب سے Letter of Intent جاری کرنے کے بعد اسٹاف لیول میٹنگ میں معاہدہ کیا جائے گا۔

وفاقی وزیر خزانہ کے مطابق اس میٹنگ کے بعد آئی ایم ایف ایک ارب دس کروڑ ڈالر کی قسط جاری کرے گا۔

وزیر خزانہ کے مطابق آئی ایم ایف نے پٹرولیم مصنوعات پر جی ایس ٹی نہ لگانے کے مطالبے کو منظور کر دیا ہے۔ مگر لیوی کو عائد کرنا ہوگا جس کے تحت ڈیزل پر مارچ اور اپریل میں پانچ پانچ روپے لیوی عائد کی جائے گی۔