پاکستان تحریک انصاف کے چیئرمین اور سابق وزیراعظم عمران خان نے اسلام آباد سیشن کورٹ کی جانب سے توشہ خانہ کیس میں ناقابل ضمانت وارنٹ گرفتاری برقرار رکھنے کے حکم کو اسلام آباد ہائی کورٹ میں چیلنج کرنے کا فیصلہ کیا ہے۔
عمران خان کے وکیل خواجہ حارث اسلام آباد ہائی کورٹ میں ایک درخواست دائر کریں گے جس میں ممکنہ طور پر توشہ خانہ ضابطہ فوجداری کیس دوسرے جج کومنتقل کرنے کی درخواست پر فوری سماعت کی استدعا کی جائے گی۔
یاد رہے کہ کل جمعرات کو سیشن کورٹ نے عمران خان کی تحریری یقین دہانی کے بعد ناقابل ضمانت وارنٹ گرفتاری منسوخ کرنے کی درخواست مسترد کرتے ہوئے چیئرمین پی ٹی آئی کو گرفتار کرکے عدالت میں پیش کرنےکا حکم دیا تھا۔
