عمران خان پر حملہ کیس کے مدعی ایس ایچ او کو دل کا دورہ جان لیوا ثابت ہوا

چیئرمین تحریک انصاف عمران خان پر حملہ کیس کے مدعی ایس ایچ او عامر بھدر ہارٹ اٹیک کے سبب چل بسے۔

عامر بھدر حملہ کیس کی تفتیش کا اہم کردار تھے، ان پر بروقت ایف آئی آر درج نہ کرنے کا الزام تھا۔ وہ ان دنوں ایس ایچ او صدر وزیر آباد تعینات تھے۔

عمران خان حملے کے بعد پہلی مرتبہ میڈیا سے گفتگو کر رہے ہیں: فائل فوٹو

خاندانی ذرائع کے مطابق گذشتہ شب طبیعت خراب ہونے پر ان کو ہسپتال لے جایا گیا، ڈاکٹروں نے انہیں ہارٹ اٹیک کا عارضہ بتایا اور طبی امداد فراہم کی تاہم وہ جانبر نہ ہو سکے۔