وزیراعظم کا اماراتی شاہی خاندان کے رکن شیخ طحنون کی رحلت پر اظہار افسوس

شیخ طحنون کی وفات پر امارات میں سات روزہ سوگ کا اعلان، ایمریٹس کے پرچم سرنگوں رہیں گے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

وزیر اعظم شہباز شریف نے متحدہ عرب امارات کے شاہی خاندان کے رکن اور ممتاز کاروباری شخصیت شیخ طحنون بن محمد آل نہیان کے انتقال پر گہرے رنج وغم کا اظہار کیا ہے۔

متحدہ عرب امارات میں شیخ طحنون کی وفات پر سات دن کے سوگ کا اعلان کیا گیا ہے۔ تمام ایمریٹس کے پرچم سرنگوں رہیں گے۔

جمعرات کو سماجی رابطے کی ویب سائٹ ایکس پر اپنے تعزیتی پیغام میں وزیراعظم نے کہا کہ غم کی اس گھڑی میں ہماری نیک خواہشات اور دعائیں متحدہ عرب امارات کی قیادت اور عوام کے ساتھ ہیں۔

انہوں نے کہا کہ پاکستان اور متحدہ عرب امارات کے درمیان مضبوط تعلقات استوار کرنے میں شیخ طحنون بن محمد آل نہیان کے کردار کو طویل عرصے تک یاد رکھا جائے گا۔ اللہ رب العزت اُنہیں اپنے جوار رحمت میں جگہ عطا فرمائے۔

مقبول خبریں اہم خبریں

مقبول خبریں