سعودی وزیرِ خارجہ شہزادہ فیصل بن فرحان نے جمعہ کو اپنے پاکستانی ہم منصب اسحاق ڈار سے فون پر بات کی۔
سعودی وزارتِ خارجہ کے ایک بیان میں کہا گیا، "وزیرِ خارجہ شہزادہ فیصل بن فرحان بن عبداللہ کو آج اسلامی جمہوریہ پاکستان کے نائب وزیرِ اعظم اور وزیرِ خارجہ اسحاق ڈار کا فون آیا"۔
بیان کے مطابق رہنماؤں نے "خطے میں ہونے والی پیش رفت اور سلامتی و استحکام کو تحفظ فراہم کرتے ہوئے کشیدگی کم کرنے کے طریقوں پر تبادلۂ خیال کیا۔"
پاکستان اپنی سرزمین پر سکیورٹی اہلکاروں پر دہشت گرد حملوں کے بعد اپنے ہمسایہ افغانستان کے ساتھ ایک کشیدہ صورتِ حال کا شکار ہے جس کا الزام اس نے حکمران طالبان پر عائد کیا ہے۔
اتوار کو پاکستان نے افغانستان میں اہداف پر فضائی حملوں کا سلسلہ شروع کیا۔ طالبان نے جمعرات کو پاکستانی افواج پر حملہ کر کے درجنوں کو ہلاک اور گرفتار کرنے کا دعویٰ کیا۔
