ہم نے سعودی عرب کے تعاون سے ساڑھے تین ارب ڈالر کا قرضہ ادا کر دیا:پاکستانی وزیراعظم

پاکستان کے وزیراعظم شہباز شریف نے کہا ہے کہ ہم نے سعودی عرب کی بدولت ساڑھے تین ارب ڈالر کا قرضہ ادا کر دیا ہے جس نے فوری طور پر ہمارا مسئلہ حل کر دیا۔

اسی ماہ 16 اپریل سنہ 2026ء کو سعودی عرب نے برادر ملک اسلامی جمہوریہ پاکستان کی معیشت کو سہارا دینے اور عالمی اقتصادی تبدیلیوں کے مقابلے میں اس کی لچک کو مضبوط بنانے کے مقصد سے اسٹیٹ بینک آف پاکستان میں 3 ارب ڈالر کی اضافی رقم جمع کرانے کا اعلان کیا تھا۔

پاکستان نے متحدہ عرب امارات کے تین ارب 45 ڈالر کے ڈپازٹس واپس کر دیے

سعودی خبر رساں ایجنسی ’ایس پی اے‘ کے مطابق مملکت نے برادر ملک پاکستان میں معاشی استحکام کو فروغ دینے کے لیے اسٹیٹ بینک آف پاکستان کے پاس موجود 5 ارب ڈالر کے ڈپازٹ کی مدت میں توسیع کر کے اپنی فراخدلانہ حمایت جاری رکھی ہے۔

یہ اقدامات خادم الحرمین الشریفین شاہ سلمان بن عبدالعزیز آل سعود اور ولی عہد و وزیراعظم شہزادہ محمد بن سلمان بن عبدالعزیز آل سعود کی ہدایات کے مطابق اور سعودی عرب اور اسلامی جمہوریہ پاکستان کے درمیان گہرے تاریخی تعلقات اور قریبی تعاون کے تسلسل میں اٹھائے گئے ہیں۔