سعودی عرب میں مدرسے کے استاد کا بچوں پر کوڑوں سے تشدد

سعودی عرب کی ایک مسجد سے ملحقہ مدرسے کے استاد کے ہاتھوں ننھے طلبہ پر کوڑوں سے تشدد پر مبنی ایک ویڈیو عوامی حلقوں میں سخت غم وغصے کا باعث بنی ہے۔ اس ویڈیو میں مدرسے کے ایک قاری کو سبق یاد نہ کرنے پر کم عمر بچوں کو چمڑے کے ایک مضبوط کوڑے سے پیٹتے دکھایا گیا ہے۔

العربیہ ٹی وی کی رپورٹ کے مطابق عوامی اور سماجی حلقوں اس ویڈیو کی تحقیقات کرتے ہوئے درندہ صفت استاد کےخلاف سخت قانونی کارروائی کا مطالبہ کیا جا رہا ہے۔ عوامی حلقوں کا کہنا ہے کہ وزارت مذہبی امور کو حفظ قرآن کریم کے تمام مدارس کی مکمل چھان بین کرکے یہ یقین دہانی حاصل کرنی چاہیے کہ کسی جگہ کم سن طلبہ پراساتذہ کی جانب سے ناروا تشدد تو نہیں کیا جا رہا ہے۔ نیز ویڈیو فوٹیج میں دکھائے گئے استاد کےخلاف سخت کاررائی کرتےہوئے اسے عبرت کا نشان بنایا جانا چاہیے تاکہ مدارس میں آئند اس نوع کا ظالمانہ تشدد نہ کیا جا سکے۔