سعودی ولی عہد کے شاہ سلمان اور اپنے بچپن کے بارے میں انکشافات

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی ولی عہد شہزادہ محمد بن سلمان کا کہنا ہے کہ انہوں نے اپنے والد خادم حرمین شریفین شاہ سلمان بن عبدالعزیز سے "بہت کچھ سیکھا" ہے۔

بن سلمان نے یہ بات اتوار کو رات گئے امریکی چینلCBS پر نشر ہونے والے انٹرویو میں کہی۔ معروف پروگرام Minute 60 میں خاتون میزبان نورا اوڈونیل کے سوالات کا جواب دیتے ہوئے بن سلمان کا کہنا تھا کہ "شاہ سلمان تاریخ کے عاشق ہیں۔ وہ تاریخ کی کتب کے دلدادہ قاری ہیں"۔

محمد بن سلمان نے بتایا کہ جب وہ چھوٹے تھے تو شاہ سلمان اپنے ہر بیٹے کو ایک کتاب دیتے جو اُسے ایک ہفتے کے دوران پڑھنا ہوتی تھی۔ ایک ہفتے بعد وہ آتے اور ہر ایک سے اس کی کتاب کے متن کے بارے میں اور جو کچھ اس نے سیکھا اس حوالے سے سوالات کیا کرتے تھے۔

شہزادہ محمد بن سلمان کے مطابق شاہ سلمان کہتے ہیں کہ "اگر آپ نے ہزاروں برس کی تاریخ کا مطالعہ کر لیا تو اس کا مطلب ہے کہ آپ نے ہزاروں برس کا تجربہ حاصل کر لیا"۔

مقبول خبریں اہم خبریں

مقبول خبریں