کدو کے بیج یا بادام… غذائیت کے لحاظ سے آپ کے لیے کون سا بہتر ہے؟

کدو کے بیج اور بادام دونوں انتہائی غذائیت بخش ناشتے میں شمار ہوتے ہیں، لیکن ان کے غذائی فوائد میں کچھ نمایاں فرق موجود ہے۔
ان کے درمیان فرق کو سمجھنا اس بات میں مدد دے سکتا ہے کہ جب آپ صحت بخش اور کرنچی ناشتہ لینا چاہتے ہیں تو کون سا بہتر انتخاب ہے، جیسا کہ Ve ویب سائٹ نے رپورٹ کیا ہے۔

پروٹین سے بھرپور

کدو کے بیج اور بادام دونوں پودے سے حاصل ہونے والے پروٹین کے بہترین ذرائع ہیں، لیکن کدو کے بیج ہر حصے میں بادام کے مقابلے میں تھوڑا زیادہ پروٹین فراہم کرتے ہیں۔
25 گرام کدو کے بیج میں تقریباً 8اعشاریہ34 گرام پروٹین ہوتا ہے۔
25 گرام بادام میں تقریباً 6 گرام پروٹین ہوتا ہے۔
پروٹین ہر جسمانی خلیے میں موجود ہوتا ہے، یہ خلیات کی پیداوار اور مرمت کے لیے ضروری ہےاور پٹھوں کی نشوونما اور فعالیت میں مدد دیتا ہے۔
پروٹین میں 20 سے زیادہ امینو ایسڈز شامل ہیں، جسم خود 11 امینو ایسڈ بنا لیتا ہے جبکہ باقی 9 کو خوراک سے حاصل کرنا ضروری ہے۔
کدو کے بیج اور بادام میں یہ 9 ضروری امینو ایسڈ موجود ہیں، لیکن یہ مکمل پروٹین کے ذرائع نہیں سمجھے جاتے کیونکہ بعض امینو ایسڈز جیسے لائسن کی مقدار کم ہوتی ہے، اس لیے بہتر ہے کہ انہیں دیگر پروٹین ذرائع کے ساتھ استعمال کیا جائے۔

زیادہ فائبر مگر احتیاط ضروری

کدو کے چھلے ہوئے بیجوں میں فائبر کی مقدار بادام سے زیادہ ہوتی ہے، لیکن چھلکا ہٹانے سے فائبر کی مقدار بہت کم ہو جاتی ہے:
25گرام چھلے ہوئے کدو کے بیج میں تقریباً 5اعشاریہ22 گرام فائبر ہوتا ہے۔
25 گرام بغیر چھلکے کدو کے بیج میں تقریباً 1اعشاریہ82 گرام فائبر ہوتا ہے۔
25 گرام بادام میں تقریباً 3 گرام فائبر موجود ہوتا ہے۔لیکن ان میں سے کوئی بھی مقدار بالغ افراد کے لیے روزانہ تجویز کردہ 25 سے 30 گرام فائبر کی ضرورت کو پورا نہیں کرتی۔

ناشتے کے لیے بہترین

دن بھر کدو کے بیج یا بادام کو ناشتے کے طور پر کھانا روزانہ فائبر کی مقدار حاصل کرنے میں مدد دے سکتا ہے، لیکن کدو کے بیج اپنے چھلکے کے ساتھ یہ مقصد زیادہ تیزی سے حاصل کر سکتے ہیں۔
فائبر ضروری ہے کیونکہ یہ آنتوں کی حرکت کو منظم کرتا ہے، مفید بیکٹیریا کو خوراک فراہم کرتا ہے، ہاضمہ کی صحت کو بہتر بناتا ہے اور دل کی بیماری، اسٹروک، ذیابیطس، ڈیورٹیکولائٹس اور بعض اقسام کے کینسر کے خطرے کو کم کرتا ہے۔

مگنیشیم سے بھرپور

کدو کے بیج میں بادام کے مقابلے میں دوگنا سے زیادہ مگنیشیم موجود ہوتا ہے اور یہ مگنیشیم کا بہترین غذائی ذریعہ ہے:
25 گرام کدو کے بیج میں تقریباً 154 ملی گرام مگنیشیم ہوتا ہے۔
25 گرام بادام میں تقریباً 72اعشاریہ24 ملی گرام مگنیشیم موجود ہوتا ہے۔
بالغ افراد کو روزانہ 420 ملی گرام مگنیشیم کی ضرورت ہوتی ہے، یعنی 25 گرام کدو کے بیج 37فیصد روزانہ کی ضرورت پوری کرتے ہیں، جبکہ بادام 17فیصد فراہم کرتا ہے۔

مگنیشیم ایک اہم معدنی عنصر ہے کیونکہ یہ جسم میں 300 سے زیادہ کیمیائی ردعمل میں حصہ لیتا ہے، جن میں بلڈ پریشر کو کنٹرول کرنا، خون میں شکر کا انتظام، ہڈیوں کی نشوونما، ڈی این اے کی تخلیق، توانائی پیدا کرنا، دل کی دھڑکن کو منظم رکھنا، پٹھوں اور اعصاب کی فعالیت کو بہتر بنانا اور پروٹین کی تخلیق شامل ہیں۔